ألبوم صور.. بقلم الشاعر، د. حليم محمود أبو العيلة
ألبوم صور
الوحدة أصقع من برد الشتا
ومفيش ليا حُضن يدفينـي
عايش وسط قُلوب قاسيـة
تملي صابر ووحدتي بتعزيني
رحايا بتطحن كُل تفاصيلي
وغُربة عايشة جوة ف وتينـي
صورتي معكوسة ف مرايتي
وفاتـونـي جـميـع مُحبيـنـي
منفـي ف عُزلة انا ونفسـي
ود/م /ي اتبرأ من شرايينـي
ومَـليـش غـيـر ألبـوم صِـور
وذكـريات رافـضـة تحيينـي
قلبـي عليل وخطوتـي بتئِن
مفيش وصفة طبيب تداويني
تملي عطشان طبطبة وحِنيـة
وملقتش قلب حنين يواسيني
أهلي وناسي فاتوني وراحوا
ومفضليش غير عقلي ودينـي
وشوية قصايد وحبة مشاعر
مغزولين ف قلبي ودواويني
كلماتي:
الشاعر: حليم محمود أبوالعيلة
مصر
تعليقات
إرسال تعليق