المقسوم.. بقلم الشاعر، د. محمد حماد ودن
. المقســــــــــــوم
عيني و دمعها سايل بيجري
وانين القلب مكنوز زكايب
حمايل تقصل بها كل مكنون
ودم الهموم مقسوم بالمنايب
يا زعله معرضه الأسى بالكوم
ما تهل من جورك غير نصايب
اللي انكتب و صبح المقسوم
مش كل اللي تبتغيه الرغايب
يا فرع مايل النصيب مقسوم
يا ليل طويل وما لهش آخر
وقلبي من الهم شايل وتاعب
أنده على الغايب ولا جايب
والصبر مر وطار مني هارب
كتبت بدمعي على الحيط مواويل
وحكايتي بقت عبرة للقرايب
لا اللي جرحني يوم راح يصالح
ولا اللي نسيته قدرت أسيبك سايب
يا عيني صبي دمعك وهوني
ما عادش ينفع في الزمن عتايب
إزرعي الخير لو زمانك جارح
بكره يروق والهم كله دايب
ويا فرع مايل لو نصيبك مقسوم
أصل النصيب مكتوب وما هو عايب
يا دنيا دايرة وكاسها داير
ومين فينا من كاسك ما شايب
تدي الحزين فوق همه همين
وتدي الندل من خيرك سحايب
أنا اللي شلت الجرح وإتحملت
ومشيت في سكة الشوك حافي
ولو مات نصيبي وفرعي جافي
هزرع غيره.. والأصل لسه طايب
بقلم محمد حماد ودن
تعليقات
إرسال تعليق