ولآ الضالين.. بقلم الشاعر، د. محمد حماد ودن
. ولآالضاليــــــــــن
نفسي أشوف ساعة صفا
شمعة أمل ما تنطفيش
نفسي أشوف راحة نفوس
فرحه صافيه ما تختفيش
قلبي إكتفى بالمخنوقين
والمگبوتين والشقيانين
يا دنيا ليه طبعك كدا
منڪده مابتنصفيش
هاتي صوره تقول حقيقه
صوره لقلوبنا البريئه
صورة وجوه الفرحانين
صورة زهور متفتحه
ولآ لشبابنا المتعشمين
هاتي صوره لحلمنا
والأمل علشان يعيش
سعات برود وسعات دفا
وسعات بنبكي بالأنين
أحنا ياما بننكفى
فين الطريق ولآ إختفى
الڪل ماشي مگملين
محكوم علينا بالجفا
الود خلاص بينا طفى
فوق الضجر مسحوبين
متذنبين متگدرين
من اللوايح مولودين
أمتى نشوف روح الوصال
لجل النفوس المضرورين
نرفع إيدينا عدل وعفا
ونقول ولا الضالين أمين
... بقلم محمـــــــد حمــــــــاد ودن
تعليقات
إرسال تعليق