زفوا الشهيد، بقلم الشاعرة. د. زينب الرفاعي
زفوا الشهيد
زفوا الشهيد زفوه
ملايكه الرحمن بيستقبلوه
عريس وفي إديه الحنه
مع الرسول في الجنه
قولوا لكل أحبابه
الحور العين واقفين على بابه
متزعلوش على غيابه
على وشه مرسومه الفرحه
قولوا لأمه
متبكيش وإدعيلو
الدعوه الحلوه بتوصلوه
شايفكم وانتوا عليه بتصلوا
بيجري طاير فرحان بلقاء ربه
آه لو تعرفوا مكانه
على الحوض مع النبي عنوانه
عريس على أرضه
إستشهد وهو بيدافع عن عرضه
إتربى على الكرامه
إللي بتجري في دمه
كتب الحريه بدمه
مقبلش عدو ياخد حقه
بالزغاريد زفوه
وسلامي له وصلوه
قولوا حقك راجع
لما نرفع على الأقصى رايته
بقلمي زينب الرفاعي
تعليقات
إرسال تعليق