شط خدودك. بقلم الشاعر. د. حسن الشوان
.......... شط خدودك ............
ع شط خدودك لقيت دمعتى
غصب عنى المرادى أبكى
كل خطوة فى طريق سكتى
ومتعودتش أتكلم وأحكى
صعبت ع نفسى فى وحدتى
ومرضيتش لاى حد أحكى
مين دلوقت ح يسمع شكوتى
وعزتى تمنعنى مره أشكى
الدموع نزلت غصب عنى
لقيتها فجاءه زعلانه منى
قولولى أنا اعمل ايه يعنى
والحيره ما بين يقينى وشكى
ليالى طوال وبابى مسدود
والعصافير بتروح عنى وتعوود
والنهار بيطل عليا كل يوم
والشمس شايفانى ولها مواعيد
مخدتش بالها عايش مهموم
خدك صحاك من عز النوم
لما دموووعى نزلت باللوم
مفكرتش تسأل ولا تكلمنى
ولا خطرت على بالك وتسألنى
وانا عزة نفسى كمان تمنعنى
احكى ولا أشكى أى همووم
.......................................
...... د . حسن الشوان 🇪🇬 .....
تعليقات
إرسال تعليق