كان.. وراح. بقلم الشاعر. د. نصر سيد بدر

كان ..وراح. .

قلبي اللي كان عاشق عيونك في الصبا

وشاف جمالك ورده ناديه. .طيبه..

عشت في قلبي  وجوه عيني..

ياحبيبتي..قريبه..

قلب عاش يكتب ويوصف لك جمالك

قلت لك انه بدونك قلبي هالك..

والنتيجه..زاد عنادك..

زادت القسوه ودلالك..

خدتي قلبي لعبه عندك. .

تعملي فيه..مابدالك..

لما يوم الحلم .. ضاع 

والامل قال الوداع. .

واللي شاري ..راح وباع

وابتديت اكره عيونك. .والخداع..

      ......       ..     ...

اللي في قلبي  نسيته..

قلبي طير مات جوه عشه

او غريب تاه جوه بيته..

بالخداع ليه راح نغشه ؟؟ 

حتي لو حبي داريته ..

قلبي طير تاه في الفضا

واللي كان في القلب ليك..ضاع  مضي

احلي ما في عمرى وحياتي..انقضي..

   .....       ........

النهارده باقولها لك..

مستحيل ان تكوني لي

مستحيل اني اكون لك  

ده الحجر جوه في قلبه رحمه عنك

غصب عني بانسحب..تارك حياتي

كل روحي وعمري عندك..ذكرياتي

كل احلامي الجميله وامنياتي..

والنهايه بتنكتب بدموع اهاتي

   .......       ......

حب عمري ضاع في لحظه من جنونك

انسي شعري اللي كتبته عن عيونك

واللي بعتيني عشانه..راح يخونك

اسالي قلبك يقولك

بكره حا تعيشي في  شجونك

بكره حاتحسي في قلبك..

ذنب قلبي اللي انكسر..

والخداع اللي علي الصدق انتصر

بكره يبقي حبي لك..

كان زمان ضاع ...واندثر .

................ 

بقلم نصر سيد بدر طلحه القاهره

#إشارة