بحبك //بقلم الأديب✍أ.الرفاعي الحداد
بحبك
.
.
بحبك أيوا من قلبي
وعشقك في شراييني
وليه أنا ادارى وأخبى
وحبك من صميم ديني
......
بحبك حب ماله حدود
ومهما يعلّوا بينا سدود
حبيبتي أنا برده هاوصلك
دا نورك لي ضيا عيني
......
عشان حبك لاموني الناس
وقالوا كل دا إخلاص ؟!
فقلت الحب دا إحساس
وهيا عمري وسنينى
......
ومهما الغربة بيا تطول
ألاقى القلب بيك مشغول
ومهما الناس عليا تقول
أنين البعد يكويني
......
بغنيلك كتير مواويل
وحبك كان لقلبي دليل
ومهما يطول عليا الليل
صباحك جاى يواسيني
.......
أصيله وفيك نبع الخير
معاكى بحس إنى أمير
وفى بعادك بآسي كتير
خلاص جاى لك وحشتينى
.......
سنين العمر بيا تمر
وكنت حبيبتي دايقه المر
كسرت القيد وجيتلك حر
عشانك بس سامحيني
.......
بتوه في الدنيا وارجع لك
وابوس الرمل من أرضك
ياغالية يا بلدي مين أدك؟!
وحضنك دا يدفينى
......
بقلم
أ.: الرفاعى الحدادِ
28/9/2024
تعليقات
إرسال تعليق