يوم ما قابلته. بقلم الشاعر. د. شريف شحاته.

أغنية 

يوم ما قابلته

بقلم شريف شحاته 

مصر 29 يونيو 2024

يوم ما قابلته   وفتحت قلبي   يومها عاهدته 

أخلص في حبي  وحلفت يومها أعشق عيونها 

وأفضل أصونها  وتسعد في قربي  يوم ما قابلته وفتحت قلبي 

أول ما شفته  أنا روحي مالت  والحب بحته  وعينيا قالت  يا ريت يا خلي يوم ما قابلته تفضل في ضلي يوم ما قابلته حسيت ساعتها  روحي قالتها ومن ليلتها وهي جنبي  يوم ما قابلته وفتحت قلبي 

ليلة ما قالي خليك معايا  والشوق تملي ما كان كفاية لازم تشيلني  يوم ما قابلته وفي عينيك تصوني  يوم ما قابلته رديت عليها وحلفت ليها  قلبي يراعيها وأقسم بربي يوم ما قابلته وفتحت قلبي 

    يا ليل يا ليل ياااااليل ياااااليل 

يا حلو ياللي الحسن طابع علي خدك  أخاف عليك من الحسد والنظرة في قدك وعينيا يوم ما شافتك 

حلفت ما تعشق غيرك  طمعان في وصل الفؤاد وأنا قلبي مش قدك 

يومها إبتسم لي بحنان وقالي خليك تملي علي طول بقربي يوم ما قابلته وفتحت قلبي 

يوم ما قابلته وفتحت قلبي يومها عاهدته أخلص في حبي وحلفت يومها  أفضل أصونها وأعشق جفونها وتسعد بقربي يوم ما قابلته وفتحت قلبي 

               شريف شحاته