المصيبة حزم. بقلم الشاعر. د. رفعت الاحمر
المصيبة حزم
علي فين
والضحكة متبعترة
علي كاس مغشوش
جوه الوشوش وحوش
ناكرة خيري لما ضلي
مال علي خلي
وشوشه في ودنه
خلا الرغيف يجف في حلقومي
وانا مستنيكي تقومي
يا ارض بور من غير عزيق
الزعيق يحلالك
في يوم لطم الخدود السمره
شربت خمره
عشان يمكن اطفي جوفي
لقيت خوفي شجرة ناشفة
ناعق عليها الغربان والبوم
اليوم يومي والعتمة نهار فاضلي
وضلي مقسوم علي الجهات الاربع
بيبوس الجزم
المصيبة حزم
حزمني يمكن ارقص
او ارفس او اشلت
يمكن نحسي ياخدله شلوت
وينفك
رفعت الاحمر
تعليقات
إرسال تعليق