سامحيني. بقلم الشاعر. د. سامي محفوظ حنا
بقلم سامي محفوظ حنا
سامحيني
سامحيني ظلمتك
لو كانت دموعي
تشفعلي عندك
كنت أبكي عمري
على غلطتي في حقك
على يوم ظلمتك
على يوم جرحتك
وشكيت في
إخلاصك وحبك
كنت فاكرك زيهم
زي ناس عرفتهم
على قلبي أمنتهم
وهما خاينين والغدر
في طبعهم
باعوا قلبي وسكنوا
غيري قلبهم
عاملتك بذنبهم
وجنيت على قلبك
لو دموعي تشفع لي عندك
كنت أبكي عمري
على غلطتي في حقك
لسه فاكر آخر كلمة قولتها لي
وعيونك بالدموع مودعاني
قولت لي بكره تندم
و تدفع الثمن
حبي وإخلاصي ليك
ما يتقدرش بثمن
وجه اليوم ودار بيه الزمان
ندمت وأنا عارف
مش راح ينفع ندم
مهما كان الندم
مهما كانت الدموع
وصرخة القلب بين الضلوع
عارف مستحيل الرجوع
عمر الدموع ما كانت
بتنور شموع
كنت شمعة بتنور ليلى
بدو بي علشان تسعديني
سامحيني ضيعتك من يدي
وعشت أسير ظلمة ليلى
ليل طويل ما لوش نهار
النور اللي فيه نار
لا ليل بينتهي ولا النار بتنطفى
وتعبت من الإنتظار
صرخت بأعلى صوتي
ليه غاب عني النهار
ليه غاب عني النهار
بقلم/سامي محفوظ حنا
تعليقات
إرسال تعليق