تيجي نمحي وجودنا من الماضي // الكاتب✍أ.عبد الحميد وهبة

( تيجي نِمحي وجودنا )

تيجي نمحي وجودنا من الماضي

ونحاول نبدأ من تاني

وياكي أكيد راح أكون راضي

ومادام راح تِبقي في أحضاني

تيجي نمحي كل ما في عقولنا

علشان مش حاجة تعطّلنا

ومادام أنا وأنتِ بقى قِبلنا

ف أكيد مش ممكن هنعاني

تيجي نمحي وجودنا من الماضي

ونحاول نبدأ من تاني

تيجي نبني دنيا بإيدينا

مافيهاش مخلوق غير أنا وأنتِ

هنكّمل فيها لوحدينا

هبقالك سور وأنتِ مدينتي

وده مهما نغرّب ونشّرق

مافيهاش إنسان بينّا يفرّق

و ف بحر غرامك لو هَغرق

قلبك هيكون هو سفينتي

تيجي ننسى الماضي بأحزانُه

تيجي ننسى حتى أسامينا

نبعد ع الناس مهما إن كانوا

ونعيش بالحب اللي مالينا

تيجي نرسم سكة قُدامنا

سكة توصّلنا لأحلامنا

وهتبقى الفرحة لأيامنا

شجرة بتضلل حوالينا

الكاتب✍

أ.عبدالحميد وهبة

31/10/2023