وعدي العمر. بقلم الأديبة. د. زكيه فيصل
وعدي العمر
فاكرين زمان لما كنا صغيرين
كنا عيال بنلعب ومبسوطين
كنا بنحلم باليوم اللي نكبر فيه
كنا دايما في حياة الكبار طمعانين
كنا فاكرينها وردي وزهورها معطرة
فيها هيبه وقيمه وناس مسيطرة
كنا اطفال بريئه وقلوبنا بيضه صافيه
وكبرنا فجأه اتاري الدنيا صغيرة
وعدي العمر بينا ولا حسينا بيه
والعمر اللي منا راح مفيش اعاده ليه
كانت أجمل أيام عشناها طول حياتنا
عيال صغيرين كل اللي نطلبه نلاقيه
وفجأه العمر جري بينا وبقينا كبار
ساعات نحزن ساعات نفرح ساعات نحتار
دلوقتي بنحلم ونتمني حياتنا زمان
وحنين ياخدنا لأيامنا واحنا صغار
زكيه فيصل
تعليقات
إرسال تعليق