عدس بترابو. بقلم الشاعر. د. عثمان الاقرع

عدس بترابو 

....

عدس رح يبقى  بترابو 

وبيجي  وقت حسابو 

وقد ما الظلم جار 

و الخِلْ مهما خَلْ بحبابو 

بيبقى وقت للنار 

بتحرق الظلم وصحابو

طِيب القلب آية  الجبار 

للموت هالقلب ما يهابو

ياظالم معك مشي  التيار 

والحق أَفَل بغيابو 

مهما غاب الحق ومهما انهار

بيهزم  الظلم وكلابو

لاتفرح لا تبتسم ياغدار 

يومك قرب حسابو 

عم نلعب سوا بالنار 

حتى صغارنا شَيبوا وشابو

انهص يا بطل واختار 

خفف عن المظلوم مصابو

اصرخ بصوتك القهار 

العدس اللي كان بترابو 

اليوم أجى وقت حسابو 

.....

عثمان الأقرع 

سوريا