فضفضه وحنين. بقلم الشاعر. د. مصطفى محمود
(فضفضه وحنين)
مليش في الحنين والشوق يد
سلام الله عليك افتقدتك بجد
أشتاقت ل لمعه عينيك
أشتاقت لتقبيل إيديك
أشتاقت لحضنك الدافئ بين ذراعيك
أشتاقت لعيونك تقرانى فى صمتك وسكاتك
أشتاقت لصوتك يطبطب على قلبى ببعادك
عارف أجمل حاجه آيه
أنك دايما معايا وحوليا
بكلامك بنظراتك وابتساماتك
وقت الضعف الاقى ايدك على كتفى
و أشوفك فى حلمى ومنامى
وصوتك يرن فى ودانى
يعينك ربى ع اللى جاى
فاكر لما قولتلى ماالك
حتى وانا واقف على بابك
الاقى صورتك بتضحكلى
هو فى كده حنان ولا ده اسمه الامان
بداوى بضحكتك قلبى المكسور
يا سند قلبى وروحى
بس الاجمل من كده كله
سيرتك حوليا بتروينى
كانى ارض بور عطشانه
بتسقينى وتروينى
دايما معايا وحوليا
عمرك ما غيبت عليا يوم
رغم حزنى والهموم
يرحمك رب الكون
وتشرب من أيد سيدنا الرسول
حقك عليا مليش فى الحنين يد
اصل انا اشتاقت لك بجد
خرابيش بقلمى
د.مصطفى محمود دهيس
مصر
23/2/2023
تعليقات
إرسال تعليق