يا صوت الناي // الكاتب ✍د.مصطفى محمود
ياصوت الناى
بقيت نساي
وتنسا ازاي
حيطان دارنا
ودورنا
وقاعدة في وسط تكعيبه
وبراد شاى علي المنجل
وضحكة قلب بتجلجل
وحبه من حكاوى زمان
عن الحب وعن الطيبه
ماتسمع مننا عيبه
ولا كانت تيجي سيرة حد
الا بخير
ومن ده كتير
ياصوت الناي
ياشوك وحرير
قبلنا كتير
فارقنا كتير
ولسه قلبنا بيحن
للمه وللمشاوير
لضحكة تجلجل القاعدة
لمسكتنا علي الواحدة
رمتنا اللمه ع الوحدة
وسابت قلبنا مشتاق
لا عملنا حساب نكبر
ولا حتي حساب لفراق
ياصوت الناي
يالحن حزين
ياريتك وقفت ياسنين
وسبتينا كدة عايشين
في لمتنا
لا عدى الموت
علي دارنا
ولا خطفتنا سكتنا
الكاتب✍
د.مصطفى محمود
#الأبنودى
28/12/2022
تعليقات
إرسال تعليق