عيونك الحلوة قصيدة // ✍ د.زهير جبر التميمي
عيونك الحلوه قصيده
****************
واشتهيت أكتب
على حروفك
قصيدة
مبللة بطعم النبيذ
حتى من تقرأينها
يفوح الثمر
وترقص
وياها الشفايف
الحاضنه
حروف
القصيدة
وي حبات المطر
ومن اغمض عيوني
يأخذني الحنين
وتهمس بروحي
قناديل السهر
واسمع الخلخال
يأخذني لعد روحك
حمامه
ويه نسمات الفجر
ياربيع بعمري
مايعرف خريفه
وياقصيدة تغازل
الوان القوافي
وي زخات المطر
وأرجع اكتب
من جديد
عيونك الحلوه
قصيده وعاشكه
بليلي الگمر
ومن تسولف
چنها ناي تجنن
لأجمل قصيده
وتعزف بروحي
مواويل السَمر
الكاتب✍
د. زهير جبر التميمي
25/4/2022
تعليقات
إرسال تعليق