أغنية. واحشني. بقلم الشاعر. د. شريف شحاته
أغنية
واحشني
بقلم شريف شحاته
نفسي أقابلك يوم يا واحشني كل ما أفكر فيك توحشني
نفسي أقابلك وافرح بيك نفسي اشوف الشوق في عينيك بس حايشني ليه يا واحشني
نفسي أقابلك عندي كلام كلمة اقولها بألف سلام
بس إسمعني ليه بتخدعني واحنا نعيش ولا في الأحلام حاول يوم تصدق وتيجيني أو مرة اشوفك ترضيني ليه تخليني اعيش محتار عين في الجنة وعين في النار بس حايشني ليه يا واحشني
ليه تواعدني وتخلف بيا مهما تشوف الشوق في عينيا
وأنا أستني وأفكر فيك وقلبي يقوللي دة قاسي عليك ابعد وأنساك مع حيرتي معاك وكل هوان الشوق في هواك أرجعلك تاني علشان روحي بتحبك اكتر من روحي ليه مش قادر تصدق مرة ونطرد كل الهم دة برة بس حايشني ليه يا واحشني
ياااااااليل ياااااااليل ياااعيني ياااااااليل ياااعيني ياااااااليل ياااااااليل
يا حلو ياللي الهوا عمره ما زار طيفك وأنا اللي قلبي انكوي من يوم ما شاف طيفك صعبان عليا الشوق والكذب في طبعك ولو غلبني الشوق برضه الهوا مطاوعك إمتي الحنين يغلبك والشوق يزور طيفك ياااااااليل ياااااااليل ياااعيني ياااااااليل
إوعدني في يوم تاني أقابلك وانت اللي لا بعدك ولا قبلك بس أقابلك يوم وأقولك كل الشوق يا حبيبي في ضلك بس حايشني ليه يا واحشني
شريف شحاته
تعليقات
إرسال تعليق