سراب ع الشط.، بقلم الشاعر. د. سمير صبري
**** سراب ع الشط ****
تدور بينا السنين وتْحُط
وماشيين في الحياه تايهين
لا شايفين فيها موج ولا شط
وعايشين في الحياه مساكين
بنتقلب في موج عالي
أخدنا معاه
في بحر وضلمته قاسيه
سنين وياه
لا لقين بر ولا مرسى
وبقول اننا هنرسى
وبنفوق برده ولا حاسين
وكل ما أقول أكيد هترووق
وتحلا حياتنا من تاني
وأشوف الدنيا قدامي
ماليها النور
وحوالينا النجوم بتدور
وقمر الليل مونسنا
بنوره الحلو طول الليل
وضي نهار بيعزف
م الحنين ألحان بعزف جميل
فجأه صحيت لقيت حواليا
هيصه وشخط وناس جواها
حقد وضغط
وصوت بينادي ليا بعيد
أنا جانبك يانبض القلب
وقلبي معاك هيبقى سعيد
أتاري الحلم مش حلمي
دا كان وهم وسراب عالخط
كان وهم وسراب ع الشط
بقلمي / سمير صبري
تعليقات
إرسال تعليق