كان حلمي أشوف حلمي. بقلم الشاعر. د. امين قاسم
كان حلمي أشوف حلمي بيتحقق قصاد عيني وكل يوم حلمي بيكبر ويتسرسب مع الأيام من بين إيدي أفوق على صدمة الأوهام وتسكني فى وريدي وأعود واصحي على براءة الأيام من ذنبي فتجر رجلي لطريق تاني مااخترتوش لا فى بالي ولا فى عقلي أكون ماشي طريق عكسي مايشبهش تفاصيلي لا متحمس ولا محبط وعايش أصارع مع نفسي جوه دايرة مقفولة طبق الأصل منقولة لطريق فشلي يدوب نقطة مفتوحة ومش باينة بين الدايرة ونبضات حايرة وبتدور عيون سارحة فى نجمة جاية أو رايحة توضح ليا الرؤية وتبين ليا الصورة اللي مأسورة فى برواز تحفة جواه نفس مكسورة ومشطوبة من الفرحة وبتدور على ضحكة ماعدتش فى دنيا موجودة وليه مااحلمش وأنا عاشق سواد الليل مابين قمره ونجومه أنا واحد من العشاق ماجاش يومه وطول يومه يصارعه الفكر وهمومه وأكتب عن الأشواق مليون قصة تشبه العشاق حكايات جاية وكمان رايحة ومش راجعة نبضها مات وليه السكات مش مطاوعني والكلمات بتسبقني يسيل حبري على ورقي وده قدري أكون ملهم أنا وفكري لكل صورة بتكون مصير حتمي يفتت كل تكويني وكان حلمي أشوف حلمي بيتحقق قصاد عيني ،،،،،،،، بقلمي الشاعر امين قاسم
تعليقات
إرسال تعليق