جاي ع.بالي أبكي // الكاتب✍عثمان الاقرع
جاي ع.بالي إبكي
........
جاي عَ بالي إبكي
ول الله وحده أقول وأشكي
النفس تعبانة ومدهورة
وأنا قاتلني قلة الحكي
الناس كلها متلي يا هل ترى
غرقانة بدموع وبكي
ضميني ياجدران هالحجرة
وعَ صوت أنيني ارقصي ودبكي
ياورود هالدار بيكفي مخترة
مابقى انغرى بعبيرك ولا بِكِ
هرت وراقك وعودك الأخضر تعرى
ماحدا سأل هالروح ياروح شو بكِ
وكل حدا عم يقيس حالو بالمسطرة
يادنيا صارحيني شو إلي وشو لكِ
وخليني مع فوج الناس المعترة
تمكيجي يادنيا وضلي اضحكي
بتدفني واحد وبستقبلي عشرة
شو همك كتر الأسى وكتر البكي
في مين يشتريكِ بالمال والعنترة
وفي مين بالرخص باعك وهو مرتكي
خلي ببالك كيف ما كنت مصورة
مانك لحدا دايمة ولاحدا دايم لكِ
.........
الكاتب✍
عثمان الأقرع
سوريا
26/7/2022
تعليقات
إرسال تعليق