البادي أغلى //بقلم الأديب✍أ.عبد الحميد وهبة
( البادي أغلى )
وِد بوِد وحُب بحُب
عشق وفرح وشوق وحنين
تهدي حبيبك نبض القلب
يبقى هتاخد الطاق إتنين
ماتسلّمش في أول جولة
لو راح تعمل ألف محاولة
ده البادي بيهم فعلاً أغلى
يتشال جوة الروح والعين
وِد بوِد وحُب بحُب
عشق وفرح وشوق وحنين
الكسبان طبعاً في الحب
اللي بيدّي أكيد بزيادة
واللي تملّي بياخد جانب
أو يزعل دايماً كالعادة
ده اللي أكيد خسران وبقوة
من غير حب أكيد مش يسوى
فيها إيه لو راح يبدأ هوَّ
أحسن ما في زعله بيتمادى
لو واحد هيقرّب خطوة
يمشي التاني عشانُه بلاد
ولا يقدر ينساه بالمرة
ولا يقبل بخصام وبعاد
من معيار حبك بقى زوّد
وإوعى تمانع يوم أو ترفض
طوّر نفسك يعني وجدد
أصل الحب ده أجمل زاد
بقلم
أ. عبدالحميد وهبه✍
12/4/2025
تعليقات
إرسال تعليق