ورق يا نصيب، بقلم الشاعر أ. حليم محمود أبو العيلة
"ورق يانصيب"
الجنين فى بطن أمه
رزقه فى السما معلوم
قلبه فى بحر الهوى
زى السمك بيعوم
مغرم صبابة وعاشق
والأحزان بالكوم
يزرع لغيره محبة
يحصد نكد وهموم
الدنيا ورق يانصيب
يجرب حظه مرة
يطلع خباثة ولوم
مين اللى عاش حياته
ف سعادة
دا مفيش هنا بيدوم
كل اللى على الدنيا كدا
أسود عايشة عتيقة
أو عنكبوت معدوم
كلماتى:
الشاعر: حليم محمود أبوالعيلة
تعليقات
إرسال تعليق