مش راح نمشي، بقلم الشاعر. أ. الرفاعي الحداد
مش راح نمشي
.
.
قل ل كرومبو مش راح نمشي !
غ زة دي أرضنا مبتفهمشي ؟!
أما ي ه ود الغدر حبايبك
خدهم عندك مبنمنعشي !
.....
أرضنا مش راح نبعد عنها
و بأرواحنا نضحي عشانها
دي هوانا وفي قلوبنا مكانها
وصراحة غيرها ما يلزمشي ؟!
....
فلسطين أرض جدودي و أرضي
هيا حياتي وشرفي وعرضي
وبكره المحنة تفوت وتعدي
من الآخر إحنا بنتهددشي !
....
لو يتخلى العالم عنا
ونسيونا وسابونا لحالنا
نفضل صامدين هنا في بلدنا
مهما يكون فيها ومنخافشي
....
عارفين طبعك غدر .. خيانة
ولا تعرفشي سلام و أمانة
بتقول تاني هنعيش في مهانة ؟!
فوق من الوهم ومتحلمشي
....
فاكر نفسك إيه بفلوسك ؟!
بعض الزعما عبيد لنفوذك ؟!
لكن احنا يا غادر هندوسك
و في داهية تغور و ماترجعشي
....
ثابتين في قلوبنا الإيمان
و هنصمد ضد الطغيان
ونموت في سبيل الأوطان
وشهيدنا في الجنة ما ماتشي
.....
ضد الظلم نعلي الصوت
هنحارب ما نهاب الموت
مهما يزيد العدو جبروت
صامدين في الأرض منهربشي
.....
رافضين لسياسة التهجير
من أراضينا وأرض الغير
وهدفنا هوا التحرير
والمحتل دا لازم يمشي
......
هزيمتنا دي محض خيال
و أرضنا دي نبع الأبطال
و عمر الريح ما تهز جبال
فعلينا انت متحكمشي
......
عارفين إن المولى اختارنا
واللي بيحصل لينا قدرنا
و بكره النصر يحلي مرارنا
وظننا بالله عمره ما خابشي
....
اسكت مالك بس ومالنا ؟!
سيبنا ياظالم ونشوف حالنا !
راح نبنيها من تاني وعيالنا
وفي شبر من غ زة متطمعشي
.....
لو كل الزعما اللي وراك
من خوفهم وافقوك لهواك
وتقول إن الكل معاك
بإذن الله كلامنا اللي هيمشي
....
بقلم / الرفاعي الحداد
تعليقات
إرسال تعليق