موال ذهب. بقلم الشاعر. د. شريف شحاته
موال
ذهب
جواهرجي له دكان وفيه بضايع عجب
أشكال مع ألوان فصوص سلاسل ذهب
خواتم مع حلقان أحجار وليها نسب
واقف أنا حيران العقل مني عطب
ناس كتير في السوق واقفين علي بضاعته
لا حد إشتري من السوق ولا حد ضاع وقته
يعاينوا بس بشوق وزبون علي حيرته
جواهرجي بقي مخنوق من زهقه مع ضيقته
سألت صاحب الحانوت ليه الحانوت خاوي
ناس كتير بتفوت ولا شاري ولا ناوي
يشاهدوا من غير صوت الكل مش غاوي
سوق الذهب بيموت عايز طبيبب بيداوي
أجاب عليا الحزين وقالي الندم حالي
لا فيه زبون بيلين ولا فيه عريس جالي
بضائع كتير بالدين مهموم ومحتار بالي
ركود بقاله سنين وسوق الذهب غالي
خواتم علي رفوف والماس أنا رصه
حجر كريم ملفوف مختوم علي فصه
خلايق كتير تطوف بيشوفوا ويبصوا
يدوروا علي المغشوش ويشتروا الفالصو
سوق الذهب محسور ضاع الكريم أصله
وذهب بقي بقشور مغشوش خسيس أصله
الناس عليه بتدور شاريين وبيواصلوا
والكلب لو مسعور برضه الخسيس واصله
شريف شحاته مصر
تعليقات
إرسال تعليق