أجمل وطن. بقلم الشاعر. د. سامي محفوظ حنا
أجمل وطن
بقلم سامي محفوظ حنا
بحبك مهما أشوف منك
ما انتي مني وأنا منك
لو طلبتي روحي
أهديها لمين
أنا لي مين أعز منك
بحبك مهما كنت
فيكي بآسي
عشقك في قلبي
شيء أساسي
انتي فخري وتاج راسي
عزوتي وأهلي وناسي
لو هنت عليكي
عليا ماتهونيش
أنتي مش مجرد وطن
فيه بنعيش
انتي القلب
ومين من غير قلب
يعيش
لو لفيت العالم
زيك ملاقيش
لو شربت من غير نيلك
غير نيلك مايرونيش
مكرهكيش
مهما كنت فيك مطحون
كله عشانك يا بلدي يهون
من غيري يحميكي
ولأرضك يصون
يا أجمل وطن في الكون
يا نور العيون
زيك زي الأم
ساعات تقسى
لكن قلبها حنون
مهما أديكي
وبروحي أفديكي
أنا ليكي مديون
مش راح اسيبك وارحل
الظلم بكره يرحل
والظالم مصيره
مصير فرعون
بحبك
يا أجمل وطن في الكون
بقلم سامي محفوظ حنا
تعليقات
إرسال تعليق