عايزة إيه يا صغيرة. بقلم الأديبة. د. كريمة السيد
عايزة إيه يا صغيرة يا ام ضحكة
منورة والضفاير مجدولة بشرايط
والقلوب من جمالك متحيرة
مد إيدك يا عمو وخد من ايدي
الجنيه وهاتلي بيه كل آلي هقولك
عليه من غير إزاي وليه
هاتلي بسكويت ولبس عيد يكون
جديد وفرحة مصحوبة بزغاريد
وهاتلي نوجة وسكة سالكة متكنش
عوجة مبدورة زهور وكأني عايشة
وسط روضة
هاتلي معاك آيس كريم وحبة بنزين
بالسعر القديم بكفاية غلا.... خليك
رحيم دا إحنا غلابة ومطحونين
وهاتلي توفي وجدران تداري عمري
آلي جاي وتراعي ظروفي وارحم
يا عمو خجلي وكسوفي
وهاتلي مصاصة وطريق امان من
غير حراسة ونسيني همومي وطمن
يومي بدون سماجة او غلاسة
وهاتلي ببسي وحبة صبر من نفسي
وإياك تقولي ياريت تتعودي على
الفقر ولاحلامك ياحببتي تنسي
وهاتلي حلاوة وحبة حنية وغلاوة
وقول للزمن براحة علينا وبالهداوة
ليه المعاندة والعداوة؟
وهاتلي كمان حتة لحمة زي زمان
وحبة زيت وشوال رز لو حبيت
وحبة راحة جوة البيت
وهاتلي وهاتلي وهاتلي وإياك تقول
ملكيش باقي عندي انت مش واخد
بالك ولا إيه دا انا مدياك .....جنيه
هو آلي حيلتي وحياتك حافظ
عليه....ها قولت إيه ؟
.......................
همسات بقلم كريمة السيد
تعليقات
إرسال تعليق