ندمان ع عيشته // الكاتب✍أ.عماد الابنودي
$ ندمان ع عيشته $
•••••••••••••••••
يخونك العيش و الملح معايا
و سنيني اللي ضاعت ف هواك
قلبي ده صابه الجرح بسببك
أهو ندمان على عيشته معاك
بتسمي الهوى ازاي دا حب
و إنت الخيانه دي دنياااااااك
ملعون االحب لو دق القلب
و جاااني يقولي أنا ب أهواك
لاغيت هدنة مشاعري بجملتها
و حرمت عيني تشوف رؤياك
يللي يوم غلطت و اخترتك
و كل دقاتي كانت عاشقاك
ماعادش يفرق تاني وجودك
كرهت روحي لو فيها هواك
بقى سهل عليك إنك تدبحني
و تدبح قلبي اللي مناه وياك
شبعت من غدرك ليا قساوة
و دوست شعوري اللي علالك
خلاص قدرت و بقسوة عرفت
تقسي قلبك و هجرك قساك
يالا طاوع و كمل فى طريقك
و عتبك عليا إن قلبي نداك
فرصة و مالناش فيها نصيب
روح مع نفسك ونا هأنساك
ب أتمنالك ... حد يقابلك
بنفس شروطك تلقاه يهواك
بس سعتها راح تنسى أعذارك
حتي لو بختك مش ع هواك
و أوعي مرة شوقك يحن
و ترجع تقولي الروح فاكرك
مهما عقلك وقتها ... هيجن
مايلزمنيش دلوقتي لقااااااك
،
الكاتب✍
أ. عماااد الأبنودي
26/6/2024
تعليقات
إرسال تعليق