فين أيامك يا أمي. بقلم الشاعر. د. روماني قاصد
فين ايامك يا امي
بقلم الشاعر/ روماني قاصد نخيله
فين ايامك يا امي
لما كنتي بتدادي وتلمي
ولما كان شيء بيحصلي
كانت كلمة منك بتامني
فين ايامك يا امي
لو مريض لمسة
ايدك تداويني
ولو مسافر دعاكي بيحميني
فين ايامك يا امي
لو في مشوار كلمة منك
بسمعها الله يسهلك
يا نور عيني
فين ايامك يا امي
ياللي علمتيني
قبل ما اتكلم
الازم اعامل ضميري
فين ايامك يا امي
ياللي قولتيلي
اني اللي في ايدي
ليا ولغيري
فين ايامك يا امي
ياللي ما كنتش
بخاف إلا عليكي
فين ايامك
ياللي بدور عليكي
ومش لا قيكي
فين ايامك يا امي
ياللي مهما أكتب
واوصف فيكي
مش هقدر اوافيكي
فين ايامك يا امي
يا كل المعاني
الجميلة انتي وحشتيني
الله يرحمك يا امي
يا نبض قلبي ونور عيني
فين ايامك يا امي
كلمات الشاعر/ روماني قاصد نخيله
تعليقات
إرسال تعليق