يا محير قلبي. بقلم الشاعر. د. شريف شحاته
زجل
يا محير قلبي
بقلم شريف شحاته
مصر 31 مايو 2024
يا محير قلبي في حبك ومسهر عيني بكلامك
مش لاقي حل لقلبك ولا شايف حل في غرامك
مرة تبعد ومرة تيجيني مرة بايعني ومرة شاريني
يوم تسعدني ويوم تجرحني ليلة تفوتني وساعة تفرحني إمتي يا سيدي تريح قلبي تقوللي فاكرني
ولا ناسيني قوللي فاكرني ولا ناسيني
قلبك قاسي وما بيتغير كل ما أحسه أتوه وأتحير
يوم تقابلني ببسمة وطاير يهمس قلبي دي أحلي بشاير ياللا نعيشها يا قلبي ونفرح وبعد شوية أشوفك تسرح وبعد شوية تروح وتسيبني لو زعلان من قلبي حاسبني ولا بتفرح لما تشوفني نار الشوق
والحيرة تكويني إمتي يا سيدي تريح قلبي تقوللي
فاكرني ولا ناسيني قوللي فاكرني ولا ناسيني
حاسس إنك تهوي عذابي كل ما تزعل تطرق بابي
تفضل تشكي وتحكي لي همك أفضل أصالح فيك
وأضمك
ونفضل ساعة نقول ونبوح لحد ما كل الهم يروح
نخرج نلعب نسرح نسعد وبعد يومين ألاقيك تبعد
لو فيه حبايب تحكم بيننا لو دة حيرضي الناس يرضيني
إمتي يا سيدي تريح قلبي تقوللي فاكرني ولا ناسيني قوللي فاكرني ولا ناسيني
حاول مرة تجرب حيرتي مين يتحمل أنا ولا أنتي
أنا متأكد مش راح تقدر يوم بتفكر ويوم تتحير
مرة شاريني وبتهنيني يفرح قلبي وبتدلعني
ومرة كاويني ومخليني كل هموم الناس توجعني
أنا مش حقدر تفضل جنبي أفضل حابس دمعة في عيني
إمتي يا سيدي تريح قلبي تقوللي فاكرني ولا ناسيني قوللي فاكرني ولا ناسيني
شريف شحاته
تعليقات
إرسال تعليق