رسالة لأمي. بقلم الشاعر. د. السيد علي القن
..........((( رساله لأمي )))................
ياه يا أمي
نفسي أشوفك
نفسي أبوسك
وبأيديا أمسح دموعك
نفسي أمسح حتي خوفك
أو أشيل عنك كسوفك
ياه يا أمي لوتقولي
أنت ليه زعلانة مني
وأنت ليه غايبه عني
وانت ليه سايباني يا أما
رغم أني ها أموت عليكي
و رغم انك ةساكنه قلبي
وساكنه عيني
قولي يا أما وطمنيني
قولي ليه خايفه تزورني
وف منامي تطمنيني
عنك أنت و عن أبويا
عن صحابي اللي سابوني
قولي أمتي هاتيجي يا أما
أصلي أنا محتاج لحضنك
و لحنانك أو لصدرك
أو لرقوه يا أمي منك
قربي يالله وخديني
أو تعالي و أحضنيني
ياه ياأمي لو تيجيني
من زمان وحشاني ياأمه
من زمان محتاج لضمه
من زمان محتاج أفضفض
ما أنت كنت بتفهميني
نفسي تيجي تكلميني
و لا تاني تسمعيني
ياه يا أمي
الحمول شلت أيدينا
والهموم زادت علينا
كل شئ بقي صعب ياأما
وعارفه آيه أصعب كمان
انك أنت مش معانا
والحياه زادت مهانه
وكل ب يزيد أهانه
ياه يا أمي
نفسي اطمن قلبي بيكي
نفسي أطمن عليكي
وأترمي في حضنك يا امي
نفسي حكي لك واشكي
كل شئ بيجول ف خاطري
من ظنوني ومن مشاكلي
وعن حياة مابقاتش شكلي
نفسي ياأمه تسمعيني
تمسحي بأيديك دموعي
أو تواسي يا أمه روحي
ما انت ياامه حته مني
و أنت لسه جوه دمي
ساكنه شرياني وريدي
ياه يا أمي
نفسي قولك دثريني دثريني
دفي قلبي و دفي روحي
وامسحي بايدك جروحي
و مد إيدك و أحضنيني
ولو ف يوم قصرت يا أمه
أيقي دايما فكريني
و حطي نفسك طب مكاني
أصلنا في أيام عصيبه
أصلنا في أيام غريبه
والحياه صبحت عجيبه
كل شئ فيها أتقلب
ياه يا أمي ع الزمن
كلنا عايشين فتن
مين بيسأل عن أخوه
أو ب يترحم لابوه
مين يواسي مره أخته
او بياخد أيد أخوه
كلنا اتفرقنا يا أمه
والحياه والعيشه مره
والغلا بقي صعب مره
و الوباء أتفشي فينا
كل يوم يخطف ألوف
والقلوب مليانه خوف
تيجي يا أمه في الأنوف
بعدها يا دوب نشوف
نعيه يا أمه في الصفوف
حتي موت الناس طفوف
واللي زاد انا أحنا شفنا
كل شئ مكشوف امامنا
والبكا ضاع من عنينا
والدموع عزت علينا
ياه ياامي.. ياه ياامي
احكي ايه انا ولا ايه
الخلايق شكل تاني
والأماني شكل تاني
والحياة اتغيرت
والقلوب اتحجرت
كله شئ بقي بالفلوس
والنفوس غير النفوس
أصلنا عايشين كابوس
الضمير بقي منعدم
واحنا رايحين للعدم
رغم ده لسه غلابه
أصلنا عايشين ف غابه
بين أسود و بين ديابه
ف اللي واكل لحم أخته
واللي شارب دم أخوه
واللي للدنيا جابوه
غصب عنه وعن أبوه
والنهايه مصيبه ياأماه
والقيامه جايه جايه
وكلنا واقفين طابور
في اللي مستني له دور
واللي هربان م الطابور
واللي عايش فيها زور
أصلنا ف آخر الزمان
وكل شئ واضح تمام
عارف انك حاسه بينا
ونفسي يا أما تسألينا
وتقولنا أيه جرالكم
ايه اللي فرق بس بينكم
و آيه اللي غير بس حالكم
و اللي مزق شملكم
واللي ضيع حبكم
واللي شتت أمركم
بعد ماكنتوا لمه
أيد و أمه
ياه ياامي..ياه ياامي
أحكي ايه أنا ولا أيه
انت يخفي عليكي حاجه
ماانت حاسه بكل حاجه
وكل شئ أصبح زياده
والدولار أصبح عباده
والشعوب صبحت بياده
ف أيد حكوماتنا الضعيفه
وكل شئ واضح ياساده
أيوه واضح و بزياده
كلمات الشاعر/السيد علي القن
تعليقات
إرسال تعليق