أحزاني حزينة // الكاتب✍أ.السيد حسن
أحزاني حزينة
**********
حزينة حزينة أحزاني حزينة
ماشي في المداين من مدينة لمدينة
هايم والأحزان عليا حزينة
بكا لبكايا الطير الطاير في الفضا
على العمر المرير المكتوب في القضا
وآه يا أنا ده فعلاً أنا
يا دنيا الضنا انتي ليا مدينة
هايم والأحزان عليا حزينة
شوفتي يا ليالي كام جرح اتجرحته
وكام حد غالي من قلبي مسحته
وطول ما أنا ماشي وسط الخلايق
حاسس إني غريب وقلبي متضايق
هى السعادة حقيقة وان كانت هى فين
نفسي اعيش معاها حقيقي لو ساعتين
وترتاحي ياعين من الدمع وانينه
هايم والأحزان عليا حزينة
يا دنيا الضنا انتي ليا مدينة
يا خطاوي مكتوبالنا فين سكك الهوى
ليه الهوى مازارنا ولاجمعنا سوى
آهو من ضمن العذاب نعيش ولا الأغراب
كل ما نعشق نلاقي في الآخر سراب
ولا شيء بيكمل معانا ايدينا قابضه الريح
حتى لما غنولنا غنولنا غنا المجاريح
الكاتب✍
الشاعر السيد حسن....
شاعر الزمن الجميل 🌹
25/12/2023
تعليقات
إرسال تعليق