لمسة ايد. بقلم الشاعرة. د. حسنه محمد
لمسة ايد...
وخداني معاك لبعيد...
فوق السحاب لأبعد مكان
وحب بيتولد من جديد....
بشعور أكيد....
أنا وانت وبس ملناش
غير بعض مفيش تاني
ولأ حاسد ولأ عزول
وشموعنا بالمحبه بتقيد....
همسك ليه نساني الدنيا
وكل الأسيه....
بعيش وياك أحساس جديد....
معرفتهوش قبلك
بقلب طاير متهني وسعيد...
غمض عنيك واحلم معايا....
ومد ايديك أحضن هوايا...
دنا من غيرك مليش هويه....
ولا أحساس بالوجود....
انت في عيني كل الناس....
لما بشوفك بنسي روحي
ويطلع مني اجمل أحساس....
علمتني أزاي أهواك وعلى بابك
أقعد استناك...
وأتجملك واتزوقلك
وأعد الدقايق والثواني
لفرحه لقاك...
لما تكون راضي عليه...
تضحكلي الدنيا
وترقص حواليا....
تلمع الفرحه في عنيا....
اجري واقولك احلى كلام....
وهقول ايه تاني
خلصت فيك كل الكلام....
قول انت واشجيني....
واروي عطش سنيني....
جدد شوقي والهيام....
تعالى نعيش ونتهني
ونحقق الاحلام....
بلاش الغيرة وظنونها
نبعد عن اي خصام
اطمن ياحياتي...
حبك مكفيني....
بيزود حنيني....
ومفيش لغيرك مكان....
يانبع صافى بحس
معاك بالامان...
بقلمي✍🏻
#حسنه_محمد
تعليقات
إرسال تعليق