بحبك يا مصر // الكاتب✍أ.محمد مرزوق
بحبك يا مصر
شوفتك ورا المشربيه
بدر..
في ليله قمريه
سحرتني عيونك العسليه
دوختيني يا بنت مصريه
عاشق
وعشقت ملامحك
في حزنك وفي فرحك
عاشق وعشقت ترابك
أكلت من سنابلك
وشربت من نيلك
عاشق
وعشقتك من زمان
وحسيت بالأمان
عاشق وسكنت جوى دربك
واتربيت مع أهلك بين حواريكي
وبقيت مغنواتي
وشاعر بربابه
أحكي عن تاريخك وتراثك
عمرك ماكنتي فقيره
ولا كنتي فقيره ولاذليله
وطول عمرك كبيره وأصيله
وياما
فتحتي قلبك
لغيرك وساندتي
من غير ما تاخدي أي مقابل
وكان دم ولادك هو المقابل
بحبك يا مصر
الكاتب✍
أ.محمد مرزوق
26/12/2023
تعليقات
إرسال تعليق