ليه يا زمان // الكاتب✍ د.ماجد خليل بني همام
ليه يازمان ماسبتناش أبرياء
★★★★★★★★★★★★★★★★★★///★
ليه يازمان ماسبتناش أبرياء
ليه يازمان قطفت زهر البراء
ليه يازمان أخذت منا الحياء
ليه يازمان كبرنا وصرنا اشقياء
كنا أطفال صفحة نقية بيضاء
لا نعرف خبث ولا مكر ولا رياء
كانت البراءة عنوانا بلا أغواء
اتربينا علي الطهر والصدق والنقاء
والكداب يروح النار ونخاف العذاب
ومن صغرنا اتعودنا نروح الكتاب
نحفظ القرآن ونجوده بحب واعجاب
كنا صفحة بيضاء مرسومة بحساب
كان بيتنا كبير يساع كل القبائل والأحباب
في كنف جدي وابويا واعمامي والاقارب
عزوة وعز وجاه مناصب والقاب
وجدي العمده يتعمله الف حساب
كبير عيلة وبلد وواجهة وأنساب
قاضي مصالح الناس الأقارب والأغراب
مثقف بالفطرة وحديثه يخطف الألباب
فطنه وحكمة وطرفة حاضر الذهن والجواب
حبيب العلم والثقافة وله فيها قصص ومآرب
ضحي بماله وفي سبيل العلم طرق كل الأبواب
البيت الكبير كان قبلة الجود والكرم والأصحاب
بيتنا فيه صنبور مياه يسقي الدروب والبيوت
وفي رمضان ميه ساقعة وتلج للبيوت والحارات
وتلفزيونا الخشب الكبير يلم ولاد الجيران والبنات
كانت أيام وليالي تجمع الأحبة والأهل والعيلة بالذات
بيتنا كان يقصده الفقير والغني وفلاحين وستات
والغسيل يدوي بتيه الميه السخنه والطشت
وصابون وبطاس وام الحسن والقاوية وستات
دول اللي كانوا يخلوا الغسيل أبيض بالذات
تستحي من بياضه الشمس ويرفرف في الهوا رايات
والا الأكل والفرن البلدي والعيش الشمسي قمحات
تاخد الرغيف سخن تملاه سمن بلدي وسكر أحلي الأكلات
ومنطال العدس أبو جبه تسويه علي عين الفرن كهرمانات
ليه يازمان خلتنا نعيش عصر الشيبسي والبيبسيات
والأندومي سموم بتنفخ الجسم من غير فيتامينات
كنا نلز مراجيس البامية والمرق وصواني البطاطس مشهيات
طعم وريحة وفايدة وصحة تاكل وتقول كمان هات
فاكر ستي ولحوق البلح العجوه بالبيض والسمن البلدي احلي أكلات
ليه يازمان ماسبتناش أبرياء وتركتنا في زمن الخير فيه مات
كانت أيام يازمن والآن أصبحت ماضي وذكريات
ليه يازمان أخدت منا الخير وعيشتنا علي الحكايات
راح زمانا الجميل وبقينا في زمان كل اللي فيه خرافات
راحت الطيبة وصدق النية وتقطعت الأرحام حرمات
يازمن كان كله صح الصح دلوقت بس صفحة الوفيات
ليه يازمان ماسبتناش أبرياء راح الزمن الجميل ومات
الكاتب✍
د.ماجد خليل بني همام
31/5/2023
تعليقات
إرسال تعليق