سهران ومش سائل فيه. بقلم الشاعر. د. فتحي غربية
سهران ومش سائل فيه
يا ناسيني ايه القضيه
عامل ناسي و ما تردش
هوه البعاد غير امرك
القساوة دي جديدة عليا
ولا العناد من طبعك
اشوفك مشغول ومطنش
وعامل نفسك مش فاهم
بصراحه انا صعبت عليا
اسهر طول ليلي استنى
وانت ياجميل مش حاسس
الف وادور وارجع لك
الاقي قلبك ما حنش
يصعب عليا كتير حالي
واراجع دفتر أحوالي
الاقي ديما انت الجاني
يا ناسيني ما ترد عليا
عمال ارسل في رسائل
وانت عامل مش شايف
ياقاسي ما ترد عليه
وارحم قلبي ال تعذب
مسكين انا والله جنبك
ولا عارف اعمل ايه منك
ساعات كتير اسال ليلي
واعد نجومه واقول مالي
تعبت كتير من شوقي
وانت ياجميل مش داري
بص عليا من فضلك
ريحني بكلمه .. أو بسمه
انت حقيقي مفيش منك
لكن أنا محتاج حنانك
ياناس ياهوو. مش قادر اصبر
وضحوا لجنابه اني بحبه
فتحي غربية
تعليقات
إرسال تعليق