في بلدنا أتغربنا. بقلم الشاعر الأمير محمود
في بلدنا أتغربنا
...................
في بلدنا اتغربنا وبلاد الناس
هنا وهناك شربنا مر الكاس
ماأعرفش ليه إحنا رخصنا
بعد ماكنا اللؤلؤ والماس
ناس بكينا منهم وأتألمنا
لما باعونا واشتروا غيرنا
هونا عليهم ونسيوا خيرنا
بعد ماكنا أعز الناس
كلوا عيشنا وملحنا
وشربوا من ميتنا
عاشوا جوه ف قلبنا
وسكنوا ويانا ف بيتنا
شافوا الدمع فى عنينا
جابوا الشوك جرحوا أيدينا
خدوا إللي كان لينا
وعدوا علينا وكتموا الأنفاس
أه من جرحك يازماني
خليت إللي كان بيتمناني
سابني لما لقاني بستناه
راح بسهم الغدر رماني
أه منك يازمن المعيب
بعتب عليك واللوم أجيب
خليتني في بلدي غريب
وتوهت في بلاد الناس
........
بقلم.الشاعر
الأمير _محمود
تعليقات
إرسال تعليق