سيبها علي الله.. بقلم الشاعرة.. امال محمد عبدالله الوغي
سيبها علي الله
عيشها صح وسيبها على الله
مين عاش بالجرح وخف اسم الله
ياما ضاقت وحلها عنده
من قبل السنين مايعدوا
مين فينا نصيبه يعانده
ويقول لأ ما يعجبنيش
مكتوب والمكتوب هيكون
والتساهيل دي لرب الكون
لا بإيدي ولا بإيد انسان
سلم أمرك عيشها امان
واللي خلقني ورسم العمر
قادر في ثانيه يحلي المر
ويعدي الصعب كمان بسلام
مكتوب والمكتوب متقدر
ومين ع النصيب يقدر
راضيين والقلوب مرتاحه
حامدين وبالرضي بتهون
وبيدبرها كن فيكون
لا بإيدي ولا بإيد انسان
سلم أمرك عيشها امان
آمال محمد عبدالله الوغي
تعليقات
إرسال تعليق