إرجعيلي.. بقلم الشاعرة. أ. أمال محمد عبدالله الوغي
إرجعيلي
اليوم يومك يا غاليه
وانت روحتي في حته تانيه
نفسي يرجع عمري بيكي
نفسي أشوفك بس ثانيه
ثانيه اطمن قلبي عنك
ثانيه أقول اني بحبك
واني أسف بعتذرلك
دلوقتي بس عرفت قيمتك
ياما غبت عنك ليالي
وأقول أكيد مستنياني
كنت شايف بس حالي
يعنى هاتغيب عنى فين
ورجعت من غربة سنيني
دمعه مره بتكوي عيني
فينه القلب اللي حاميني
سابني فجأه ماقالش ليه
إرجعيلي هاكون مرايتك
مهما قولتي هاحفظ حكايتك
مش هاقول خلاص سبيني
بس ثانية ترجعيلي
حياتي من بعدك غريبه
غيبتي ماقولتيش الطريقه
أمي مش في واحده تانيه
نفسي اشوفك بس ثانيه
إرجعيلي
آمال محمد عبدالله الوغي
تعليقات
إرسال تعليق