راوند الغالابة... بقلم الشاعر عبد المنعم السقا
راوند الغلابة
...................
زمان ياراوند الغلابة علاج م الوحدة الصحية
كله واقف فى الطابور دوشة ساعة الصبحية
أل بيضحك وال يهزر وناس بالطريق جاية
وشوش ماتت من سنين لكنها ذكريات حية
شباك تذاكر ..لسه فاكر بقروش كانت هنية
جه الدكتور أيوا ياعصفور من قبلك بشوية
عمك بطاح الدمع راح .راحوا الحبايب ياعنية
أبى العزيز رايح معايا أمتحان الإبتدائية
خايف عليه واخدنى معاه لجنة السالمية
مادة واحدة تعيد السنة النهاردة مهلبية
حتى الكتاب كله حنان مش حشو أبعدية
هو فى الراس ولا الكراس قطعة إنشائية
كله إصفار ولو بالمنظار حسن خطك أبجدية
تشطيب تعاد. إيدك ..إستاذ عصا هندية
تلاميذ شطار فصول إحترام ٱه يا بهية
منهم لله تقليد أجانب تدخلات روماتيكية
أنفلت العيار .أين المسار .مجلة إذاعية
أيام الوقة يارطل اللحمة يأ ارانب ملوخية
..............
بقلم...عبدالمنعم السقا .
تعليقات
إرسال تعليق