حبيبي قلبي بيوجعني... بقلم الشاعر.. يحيى العبادي
حبيبي قلبي بيوجعني
=============
قلبي بيوجعني استني
بتمني القاك بالجنه
ياداخل قبرك بالحنه
قلبي بيوجعني استني
ياعريس للموت ذفوك
وحبايبك بدموع ينادوك
والي انت عشت علشانهم
دفنوك في قبرك وفاتوك
انا روحي راحت وياك
و بتتمني في الليل تلقاك
وتشوفك في احلي مكان
ياحبيبي عمري ما هانساك
انا لسه جوابه ب ينادي
ولساني واخد علي شادي
ومحدش ه يملي مكانك
لا اخواتك ولا حتي اولادي
بمكانك دائما بقلوبنا
يالي انت فراقك بتعبنا
ومقدر لينا انك ترحل
للجنه وفي الدنيا تسيبنا
انا قلبي عشانك بيوجعني
و بنادي ولايوم تسمعني
وحياتي من بعدك راحت
بتمني ربنا بيك يجمعني
ياحبيبي قلبي بيوجعني
تعليقات
إرسال تعليق