خلاص يا حظ // الكاتبة ✍ منى رزق
خلاص يا حظ
خلاص يا حظ
ما ليك عليه جمايل
دست ب الجامد والقلب منك شايل
كل ما اقول انعدل
ألاقيه مايل
يا عم هدي الوجع
وأصبر على المكتوب
واتحمل يمكن في يوم تروق
ونلاقي ضحكه طرحه جوه القلوب
والعين اتكحلت بأمل
وفرحه
وجفت منها الدموع
يا حظ...
دلني على سكتك
دا انا صابر على المكتوب
ليه مني تتوه
اكون في يوم زعلتك
ولا شكلي شيال هموم
ولا يمكن أسمي
منحوت في جبل مشؤم
مقدر وصابر على المكتوب
خلاص يا حظ
الكاتبة✍
🌼منى رزق
26/2/2022
تعليقات
إرسال تعليق