نعم للحقوق لا للتخريب، بقلم الشاعرة، د. فاطمة يشوتي

🥀نَعَـم لِلْـحُـقوق لَا لِلْـتَـخْـرِيب🥀

يَـا أوْلاَد بْـلاَدِي مَـالْـكُم هَـجْـتُـوا 

هَـذِيـك بَـلاَدْكُـم لِّلي خَـرَّبْـتُـوا

حَـقَّـك بِـالقَـانُـون طَالِـب بِيـه

بَـاش تَـحْـمِي رَأسَـك وْتَـحْـمِيـه

مِـنْ حَـقَّـك تْـعِيـشْ بْـحَـال جَـمِيـع النَّـاس

مُـعَـزَّز مُـكَـرَّم مَـرْتَـاح الرَّأسْ

لَـكِـن مَـاشِي بِـالفُـوضَـة 

هَـاذِي عَـادَة مَـبْـغُـوضَـة

وَآحْنا تْـرَبِيـنَـا عَ الجُـودَة

وَ الأَخْـلَاق المَـحْـمُـودَة

مَـوْرُوث مِـنْ جَـدْ لِـجَـد  

وْ فِي تَـارِيخْـنَـا مَـوْجُـودَة...

وَآنْـتُـمَا يَـاصْـحَـاب الحُـكُـومَـة 

آشْ هَـاذْ الصِّـفَـة المَـدْمُـومَـة

للِّي گْـلَـسْ عَـلَىٰ كُـرْسِي يْـوَرِّي حَـنَّة يَـدِيـه

وَلاَّتْ عَـندْكُـم مُـوضَـة

عْـلَىٰ نْـيَـابُـواْ يْـكَـشَّـر يَـفْـرَضْ قَـرَارَات مَـالْـهَـا مَـعْـنَـیٰ

نَـاسِي بِـأَنَّ الشَّـعْـب للِّي آنْـتَـخْـبُواْ وْصْلُواْ تَـمَّـا

بَـاشْ آتْـخَـدْمُـواْ وْتَـخْـدَم البْـلاَد 

وْ يَتْـحَـقَّـق المُـرَاد

مَـاشِي تَـنْـهَـب وْآتْـعَـمَّـر الجِّيـبْ 

تْـعِيـشْ فـالرَّفَـاهِـيَـة أَنْـتَ وَأوْلاَدك عَـلَىٰ آظْـهَـر الغِيـر

وْالمُـوَاطِـن مَـقْـهُـور

عَـلَىٰ لُـقْـمَـة العِيـشْ يْـدُور

خَـارِجْ مِـنْ السَّـرْوِيَـة لْآخِر اللِّـيـل

وْإلَىٰ صَـوَّرْ عْـشَـاه مَـسْـكِيـن...

لاَ صَـحَّـة لَا تَـعْـلِيـم وَلاَ سَـكَـنْ يْـلِيـق بِيـه

عَـايِـشْ عِيـشَـة الذَبَّـانَـة فْـالبْـطَـانَـة

شَارِبْ الخَـلّْ وْصَـابـْر

جَـابْـر حَـالُـواْ آحْـدَا صْـغَـارُواْ يْـكَـابْـر

آشْ هَـاذْ الحُـگْـرَة وَالذَّلْ

وَاشْ هَـذَا هُـوَ الوَعْـد الزِّيـنْ بِـالمُـسْـتَـقْـبَـل

كِيفَـاشْ هَاذْ الإِنْـسَـان مَـايْـفُـور دَمُّواْ

مِـنْ كَـثْـرَت هَـمُّـواْ فَـاضْ 

آحْـمَـل بْـحَالْ الوَاد

وْ دَابَـا أَجَّا مَـا يْـسَـكْـتُـواْ وَ يْـلَـمُّـواْ...

مَـالِـكْـنَـا آشْ يْـدِيـر

المَـرَضْ هَـالْـكُـواْ بِـالسَّْـرِيـر

حَـمْـلُـواْ ثْـقِيـل كْـبِيـر

اللَّه يْـكُـونْ فِـي عَـوْنَـه مَـسْـكِيـن

آحْـنَـا آنْـعُـسُواْ وْهُـوَ سَـهْـرَانْ اللِّـيـل فـالتَّـدْبِيـــــر

الوَضْـع مَاشِي سَـاهْـل خَـطِيـر

مَـاشِي غِيـر آجِي وْكُـونْ حَـاكَـمْ رْزِيـنْ

دَايْـر بَـالُـواْ عَـلَىٰ البْـلَاد وَالعِـبَـاد مَـحْـبُـوب الجَـمَـاهِيـر

الله يْـشَـافِيـه وْيْـعَـافِيـه وْيْـقَـوْمَـه بِـأَلْـف سَـلَامة وْخِيـر...

آخْـدَم الوَطَـنْ زَادْ فِيـهْ للْقُـدَّام

فِـي ظَـرْف وَجِيـز آعْـلَا شَـانُـواْ بَـانْ

صَارْ يْـتَـضْرَب بِيـه المَـثَـل بِيـنْ البُـلْـدَان

وْ هَـاذَا شِيء مَـزْيَـان

آحْـسَّـادُواْ كَـثْـرُواْ مِـنْ كُـلْ مَـكَـان

وْ للِّي مَـا شَـافْ مِـنْ الغُـرْبَـال يْـكُونْ أعْـمَـىٌ

مَـا آدَّوْزْوهَـاشْ بْـشْـرِيـبَـة المَـاء رَاك فـالدَّمَّـة

آهْـنَـا آتْـبَـانْ الرُّوح الوَطَـنِـيَّـة 

آنْـتْـعَـاوْنُـواْ مَـعَ بَـعْـضْـنَـا بالحَـكْـمَـة 

وْمَا نْـتَـرْكُـواْ مَـجَـالْ للْـخَـوَنَـة يْـسَـلْـبُـواْ عْـقُـولْـنَـا 

وْيْـخَـلْـقُـواْ بِيـنَّـا الفِـتْـنَـة...

آحْـنَـا وْلِيـدَات المَـغْـرِب مَـاطَـالْـبِيـن وَالُـواْ 

بَـاغِيـنْ غِيـرْ حَـقْـنَـا آنَّـالُـواْ

نْـخَـدْمُـواْ بْـلَادْنَـا وَتْـكُـونْ لِيـنَـا قِيـمَـة 

وْكَـلْـمَـة مَـسْـمُوعَـة بِيـنْ المَـسْـؤُولِيـن

مَـطَـالِيـبْـنَـا مَـحْدُودَة مَـاشِي  مُـسْـتَـحِيـل

تَـتْـنَـفَّـد فـالحِيـن

ونْـعِيـشُـواْ جْـمِيـع مَـبْـسُـوطِيـن

لَا أُذُن سَـمْـعَـت ولَا قَـلْـب وْجَـــعْ

وْهَـذَا مَـاكَـانْ يَـاجَـمَـاعَـة الخِيـر

وْ الصَّـلَاة والسَّـلاَم عَـلَیٰ خَـاتِـم المُـرْسَـلِيـن

و شِـعَـارْنَـا الخَـالِـد

اللَّـه  الوَطَــن  المَـلِـك...

٭٭٭٭٭٭٭٭٭٭٭

✍فاطمة يشوتي 🇲🇦

٢/١٠/٢٠٢٥