الوطن والمواطنية //بقلم الأديب✍د.علي مسلم عجمي
( الوطن و المواطنية )
-----------------------------------------------
موطني بغيرو وطن ما ببدلو
دمي و حياتي و كل ما بملك إلو
موطني جنة خُلد عالأرض و سلام
و تاج عجبيني الفخر بيكللو
موطني و شو ما حكيت ما بيوفي الكلام
و شو ما بقدم إلو يا جبال احملو
موطني عالي القِيم عالي المقام
موطني تراب الكون كلو بأكملو
لمواطنية ناس عا أرض الوطن
حب الوطن بقلوبها حل و سكن
و تضحية و إخلاص و رجال بفدا
ترد كيد المعتدي و كيد الفتن
و رحمة و أخوِّة و أبد ما ترفض حدا
بفكرو بطائفتو إذا اختلفو السنن
و وقفة بطولة صامدة بوجه العدا
بالقلم. بالسر. بالسلاح و بالعلن
حقوق الوطن بمواطنية صالحة
الوطن متل الأم بدو إعتنا
مش مصلحة للذات بدو مصالحة
تحميه من أيا خطر صوبه دنا
و الأم ما بدها حكايا جارحة
بدها فعل بدها شغل بدها جنى
بين الوطن و الأم نهضة فارحة
عليها المسقبل مجد حلمو بنى
بقلم
الأديب
الشاعر…
د.علي مسلم عجمي✍
18/11/2024
لبنان
تعليقات
إرسال تعليق