إحتمال //بقلم الأديب✍أ.علاء الخولي
احتمال
احتمال لحظة سكوت
قلبى ينطق بالكلام
احتمال اعشق وأعود
للمشاعر والغرام
بس صعب تكون معايا
حلم حتى فى المنام
احتمال حكايتنا كانت
في البداية شىء جميل
والمسافة لو حتى طالت
كان طريقنا له دليل
بس المشاعر اللي ماتت
مش هترجع مستحيل
احتمال يكون نصيبنا
نفترق م البداية
والفراق مش اختيارنا
ابتدينا م النهاية
بس ايه يفيد وجودنا
خلاص خلصت الرواية
احتمال من تاني اشوفك
او نعيد نفس الطريق
احتمال يندهلي خوفك
لما تخسر كل شيء
هتلاقيني مش حبيبك
انسى قلبي يكون برئ
بقلم
الأديب
شاعر الأغنية
أ. علاء الخولي
20/11/2024
تعليقات
إرسال تعليق