كتر خيرك يا صديقي. بقلم الشاعرة. د. زينب الرفاعي
كتر خيرك يا صديقي
من قلبى بشكرك
سبتني في وقت ضيقي
فى عز ما إحتجت لك
يا خساره على الأيام
ما خلت فرحي دام
سابنى صديقى أنزف
وأنا كلى ألام
فاكر يا صاحبي الضحكه
لما كنا بنقسمها
وجراحك أنا اللي كنت بطيبها
قبل ما تقول الأه كنت بحس بيها
تنزيل على صدري نار مش قادر أطفيها
فاكر يا صاحبي
لما كنت بتمشي بفرش لك
طريقك بالورود
وأشيل بأيدى الشوق ليجرحوك
لأنك عندى الدنيا و ما فيها
كل ما أمشي
فى سكه أشوف صورتك فيها
فاكر يا صاحبي
لما كنت بغنى لك
وكل مشاعر حب
إلى قلبك أهديها
لأنك كنت الكلمه الجميلة
وإنت معانيها
كنت فاكر يا صاحبي
إنك أصيل
هتكمل معايا المشوار الطويل
وتقول لى أسف
هرد لك الجميل
مهما عملت فيا
يا صاحبي بقدرك
لأنى بحبك
ومش عايز أخسرك
كتر خيرك يا صديقي
من قلبى بشكرك
بقلمي زينب الرفاعي
تعليقات
إرسال تعليق