يا محيرني. بقلم الشاعر. د. شريف شحاته
أغنية
يا محيرني
بقلم شريف شحاته
مصر ٢٨ يوليو ٢٠٢٤
من ساعة ما أنا قلبي إختارك يا حبيبي وداب فيك
دايما بتحسسني بنارك وأنا أحاول أهديك
بتثور مني وتسيبني في هواك وتعذبني
وبتزعل لو كلمة وهفوة مروا بغلطة عليك
يوم ما قلبي حسك وعاش بشوق ومحبة
تسعد بيا همسة وتغضب مني حبة
وياما الشوق غلبني وفي زعلك سايبني
من غير ما تعاتبني كدة من غير مناسبة
وأتوه انا وأبحث عن دارك وأسعي وراك واراضيك
من ساعة ما أنا قلبي إختارك ياحبيبي وداب فيك
دايما بتحسسني بنارك وأنا أحاول أهديك
ليه دايما شاغلني ومحيرني طبعك
وتثور من كلمة مني ولا مرة بألاوعك
وأنا أسهر ليالي ولا غيرك في بالي
وما تسأل في حالي وأجري وراك أطاوعك
من دون الناس قلبي زارك وفايتني وعاش ليك
من ساعة ما أنا قلبي إختارك ياحبيبي وداب فيك
دايما بتحسسني بنارك وأنا أحاول أهديك
ياليل ياليل ياااااااليل يااا عين ياااااااليل
يا حلو ياللي جمالك أسرني وفتن روحي منين اجيب الصبر وغرامك ملك روحي محروم يا قلبي وصاله والسهد كان حالي لا مرة سال عني ولا يوم ترك بالي ويا عيني صوني الوداد من الشوق ولا تبوحي ياااااااليل ياااااااليل
ومن تاني أدور ورا أخبارك وأسأل تاني عليك
من ساعة ما أنا قلبي إختارك ياحبيبي وداب فيك
دايما بتحسسني بنارك وأنا أحول اهديك
شريف شحاته
تعليقات
إرسال تعليق