إنسيني. بقلم الشاعر. د. سامي محفوظ حنا
بقلم سامي محفوظ حنا
إنسيني
إنسى كل اللي كان بينا
إنسى كل اللي فات
ما تشيليش للذكرى صورة
وإمحي كل الذكريات
والماضي إعتبريه مات
إنسى كل اللي فات
وأوعي الحزن يسكن قلبك
ولا الدمع يجرح خدك
ولا أسمع تنهيدة كلها آهات
إنسيني
إنسى اللي كان السبب في عذابك
ماتخلينيش أخطر في بالك
كفايا منى ما جرالك
بغيرتي وجنونى عذبتك
وبإسم الحب خنقتك
كنت فاكر إني إمتلكتك
أتاري بيدي ضيعتك
إنسيني وسيبيني لقدري
إنسيني لو كنت تقدري
إنسيني من غير ما تفكري
في اللي راح يجري
واللي راح يكون
أبدا مش راح يتغير الكون
الشمس هتطلع كل يوم
والليل هينور بالنجوم
قلبي مش راح تسكنه الهموم
حياتي هتصفي بعد الغيوم
إنسيني وماعلكيش لوم
مش راح أقول
قلبي كان معاك مظلوم
بقلم/سامي محفوظ حنا
تعليقات
إرسال تعليق