حرام ياقلبي تنجرح. بقلم الشاعرة. د. حسنه محمد
(حرام ياقلبي تنجرح)
بقى بعد عمايلك فيه....
تشتاق لك عنيه....
وقلبي يحن ويتشوق لك
واتزوق لك واقعد علي بابك
مستنيه....
ازاي انسي ظلمك وتجريحك ليه....
ازاي قولي اقدر انسي الاسيه....
وانت اللي كنت النور لعينيه.....
والعوض الجميل واجمل هديه....
حبيتك حب عباده....
هدمت بايدك وبعندك كل اللي مابينا
وجرحك كان زياده...
هان عليك حبي وهونت عليه....
قررت تبعد... ابعد... لكن بدون تجريح
واترك بابك مفتوح نتعامل بود
واحترام و إنسانيه....
كانت حياتي منورة بيك أصبحت مطفيه...
مد ايديك جوة قلبي وانزع من جوايا
حبك ليه....
واتحداك لو يوم تنساني او تحب حد تاني
االي بينا شكل تاني جواه حجات مداريه....
يعلمها ربنا هو شاهد عليك وعليه...
ليه تبيع قلب من دهب...
وتهد كل اللي بنيناه
في لحظه غضب...
ليه تعند وتبعد وتكابر....
وتسبني وحدي اعافر.....
لو لفيت الدنيا ديه....
مش هتعوض نظرة واحده من عنيه....
ولا لمسه حنان من ايديه....
ولا لحظه حب عشتها معايا وكنت فيها
سعيدة راضيه ومتهنيه....
ليه كل مااقرب تبعدني وترسم لنفسك
جوايا صورة باهته ملامحها ضبابيه.....
والله ماناقصه جروح مليت وتعبت
ايام كلها بقت صعبه ورضيه....
الغيرة مطلوبه.. بس بحساب
لوزادت عن حدها مشاكلها قويه.....
بتضيع اجمل احساس يجمع بينا
المشاعر اصبحت باهته مش طبيعيه....
بتمني تحافظ على حبنا وتعقلها ياكل ماليه...
هعيد تاني واكرر واقول
انت الحب الوحيد اللي لمس قلبي
وتمنيتك
انا من غيرك مليش، ملامح ولا هويه....
برضاك عليه هعيش وافرح وهتحلى
وهتنور ايامي ولياليه.....
بقلمي✍️
#حسنه_محمد
تعليقات
إرسال تعليق