صديقي الوفي ثروتي. بقلم الشاعرة. د. زكيه فيصل
(صديقي الوفي ثروتي )
أنا عندي صديق وَفي شايله أنا فوق راسي
عمري في يوم ماستغني عنه
في القلب شايله غالي أوي وأعز ناسي
مفيش زيه مفيش منه
في فرحي جمبي وقبل الفرح في الحزن بيواسي
بيرد غيبتي ولا يستحمل تيجي سيرتي
في البعد شايفني بقلبه وفي القرب عيونه حُراسي
لو يوم احتاجه بلاقيه جمبي ولو غلطت بيبقي مرايتي
عمري في يوم مأبيعه دا انا بالغالي أشتريه
أصل الوفاء في زمنا بقي صعب إنك تلاقيه
فلو لقيت الوَفي اوعاك في يوم تخسره
كل الصفات الحلوة تلاقيها موجوده فيه
دا لو في حياتك حد وَفي احمد ربك واشكره
ثروتنا في الدنيا لا دهب ولا مال
الكنز الحقيقي حبايبك اللي معاك
ع الحلوة والمرة شايلين معاك الأحمال
دول اللي بجد بتحلي بيهم دُنياك
زكيه فيصل
تعليقات
إرسال تعليق