أنا البنت الحلوه. بقلم الشاعرة. د. سوسن النجار
انا البنت الحلوه
بقلمى الشاعرة والأديبة
سوسن النجار
كلماتى
---------
انا الغنوه اللي كلى جروح
تبدد كل اعزاركم
انا الحلوه اللي عندي طموح
ورافضه تعيش بأفكاركم
انا البنت اللي لو فرحت
تقولو عليها بنت شمال
انا القلب اللي مليان احزان
مجرد لعبه تخفف عنكم
انا صوره اللي ملهاش الوان
ومش خايفه كمان منكم
انا البنت اللي عايزينها
تصدق كل شيء بطال
مجرد لعبه ف ايديكم
مجرد شهوه ترضيكم
مجرد ورده بتفتح
قطفتوها من البستان
ولما تموت من القسوه
هترموها ف اي مكان
عشان تتسلو علي غيرها
مفيش تقدير لمشاعرها
ولا احساس بدمعتها
ولما بتمشي سكتها
عيونكم تبقي سابقاها
وتبقي مدانه ف عيونكم
ضحيه وتبقي اضحيه
وتسكت تبقي عايزه كمان
انا الصوره اللي بالالوان
وشوهتوها بغروركم
ومش ذنبي انكم مرضي
ولا ذنبي اعيش خايفه
انا نفسي الحياه ترضي
تعيش من غير وشوش زايفه
-------
تعليقات
إرسال تعليق